You are currently viewing وزارة كويتية تعاند ترشيد

وزارة كويتية تعاند ترشيد

ترشيد

كتب : عبدالمحسن الدعيجاني
ترشيد و ترشيد و عداد على القناة الأولى و حملة للإتصال على المواطنين بوقت القيلولة أو بوقت يكون الواحد ماخذ مرضية و تعبان مالة خلق نفسة يتصلون عليك ترشيد و يقولون لك حط بالك ترى إستهلاك الكهرباء في منطقتكم مرتفع خفوا على المولد ترى بيولي ترى تباتون الليلة على سراي و مهفات إن ماسمعتوا الكلام و آخرتها قبل أمس مار بالليل على أحدى الوزارات بشرق من الوزارات البلية بمبناها الكبيييير وله كل الليتات النيون مالتها مولعة أبي مكتب واحد طافي مالقيت مع العلم أنه الساعة كانت 8:30 بالليل !!!! الحين أنتو يا ترشيد شاقين العالم على غسالة و على سخان وله كمبيوتر شغال و هذي الوزارة و غيرها وايد طاقين بترشيد عرض الحائط و شابة ليتاتها كلها و أهي من المفترض تكون المثل الأول لأنها قطاع حكومي و من الواجب أن تكون أول من يخدم القطاعات الحكومية الأخرى و كأنها تقول الكهرباء من كثر ماهي زايده خايفين على الكيبلات تنفجر قامو شغلو كل الليتات عشان يستهلكون الكهرباء الي متكدسة بالكيبلات ؟!

أقول ترشيد دقوا على الوزارة هذي و القطاعات الحكومية الأخرى و عطوهم دورة بالترشيد و إذا طبقوا أعتقد بأنه ماراح تحتاجون تكلمون أي مواطن من بعدها و عدادكم بيفتر مرتين صوب اليسار و يمكن يدخل بالسالب بعد ،،،
حبيب يا ترشيد بس لا تزعل

و بما أن تم التحدث في هذا الموضوع في سؤال منطقي ووجية و يطرح نفسة بعد ،،،

وهو لوزارة الكهرباء ياوزارة ترى ماصارت مولدات هذي الي ليلحين ما حليتوا فيها المشكلة يبه لو صانعينها لنا خصيصا (( سبشل أوردر )) على قولتهم جان خلصت من قبل 30 سنه و 77 يوم و شهر و نص !! يبه بسكم مجاملات نبي مولدات سنعة و شغل عدل و تتحمل و تكون زين مازين وله ترى بنطالب وزارة المالية بصرف بدل كهرباء لكل مواطن 200 دينار كويتي شهريا و أهو يدبر نفسه و ياخذله مولد كهرباء ديزل و كل واحد يشغل بيته و نخلي وزارة الكهرباء للقطاعات الحكومية و الشوارع و المواطنين كلن معاه مولدة و لكم مني أخذ مولد ديزل صامت على قولتهم (( سايلنت )) و يشغل بيتي و بيت ياري المسكين و فكونه من هالربربه هذي الناس خاست ثلاجاتها و ريحتهم صارت صنان تبط الراس من كثر ما شغل تيار و قص تيار الي على قولتكم القطع المبرمج حقيقة لازم تنقال صحيح أنه هذا ماصار بكل المناطق و حدث بمناطق قليله لكن يامعود مانبي ننطر لين يحوشنه الدور ولله حاله ،،، كابوس بهالحر لو تحوشنه القتل المبرمج قصدي القطع .

و السلام ختام ، و يالله عاد يالله فكونه زين

عبدالمحسن الدعيجاني

أبتدئة في مجال الكمبيوتر منذ عام 1995 و حتى وقتنا الحاضر و من خلال هذه المسيرة أكتسبت الكثير من الخبرات المتنوعة في المجالات التالية : 1 - برمجة المواقع و أدارتها 2 - لغة VB البرمجية 3 - لغة HTML البرمجية 4 - لغة PHP البرمجية 5 - أعداد الشبكات و إدارته 6 - صيانة الكمبيوتر ( هاردوير - سوفت وير ) 7 - تصميم الرسومات الثابتة و المتحركة 8 - التعامل مع حزمة أوفس مايعادل - ICDL 9 - المونتاج الصوتي و المرئي بأنواعة 10- الإذاعة و التلفزيون على شبكة لإنترنت 11- التجارة الإلكترونية المؤهلات العلمية: 1 - حاصل على دبلوم تخصصي في مجال مصائد الأسماك من معهد الإتصالات و الملاحة 2 - طالب في آكاديمية المستقبل المعهد العالي لدراسات النوعية بكالريوس نظم معلومات 3 - دورة ICDL من معهد أنفوسنتر مجالات العمل: 1 - التجارة الإلكترونية 2 - الدعاية و الإعلان على شبكة الإنترنت 3 - إدارة رواد الكويت النادي العلمي ( قسم الكمبيوتر ) سابقا 4 - مدير شركة عنابة لخدمات الكمبيوتر و الإنترنت سابقا 5 - عضو في شركة الهوست نت لخدمات الأنترنت سابقا 6 - الهيئة العامة لشؤون الزراعة و الثروة السمكية ( قسم الرقابة البحرية ) 7 - مجلس الأمة ( سكرتير و مدير موقع النائب د.علي صالح العمير )